Herdeiros dos grandes quintetos tradicionais do século XX, Os Trasnos da Gaita comezaron a súa andaina como grupo no ano 2010, sendo considerados a día de hoxe, como parte importante dunha emerxente nova xeración de músicos galegos que trata de ir facendo camiño no presente século. A pesar da súa curta idade como grupo, xa contan cunha ampla bagaxe en actuacións en distintos espazos, festivais ou auditorios, chegando a compartir escenario con grupos tan senlleiros no actual panorama musical de Galicia como Noitarega, recibindo grandes eloxios por parte do público e da prensa especializada.

O grupo compóñeno: Samuel Bugarín (gaita en Do e en Sol, pito en Re, requinta e culleres), Xandre Otero (gaita en Do e en Re e pito en Re), Xavier Santos (tambor, cunchas e tarrañolas), Luis Bartolomé (tambor e pandeireta), e Xoán Bartolomé (bombo, ferriño e chascarraschás). Todos eles son compoñentes de Moxenas Musical Galego e, á súa vez, pertencen a distintas asociacións culturais da provincia de Pontevedra.

As pezas que van interpretar son as que seguen:

• O San Campio é noso (Moxenas)

• Entre o Millo (Anxo Pintos)

• Lembranzas do Gaiteiro (Enrique Otero)

• Xota do Besbello (Ivan Costa)

• Pasodoble, Pasodoble (Xesús Vaamonde)

• Xota de Ordes (Tradicional)

• A cachimba Dourada (Ivan Costa)

• A Cotula (Tradicional)

• Levame Levame (Tradicional)

• Xota do Garcia (Tradicional)

• Muiñeira do lagares (Enrique Otero)

• De Brincadeira (Moxenas)

• Xota para Nerea (Ivan Costa